ترەمپ و پووتین دەربارەی جەنگی ئۆكراینا قسەیانكرد

ئاڤا نیوز 

 

سەرۆكی هەڵبژێردراوی ئەمریكا و سەرۆكی ڕووسیا بە تەلەفۆن لە بارەی شەڕی ئۆكرایناوە گفتوگۆیان كرد و باسی دۆخەكەیان كرد.

 

وێنە گەورەكە: دوای ئەوەی وەك سەرۆكی ئەمریكا هەڵبژێردرا، دۆناڵد ترەمپ لەگەڵ هەریەكە لە ڤلادمێر پووتین و بنیامین نەتانیاهۆ بەتەلەفۆن قسەیكرد و باسی لە ئاڵۆزی و پێكدادانەكان كرد كە لە ناوچەكەدا هەیە.

 

ڕاگەیێنراوی فەرمی: ماڵپەڕی واشنتن پۆست لەسەر زاری سەرچاوەیەكی نزیك لە دۆناڵد ترەمپەوە ڕایگەیاند:” ترەمپ و پووتین بە تەلەفۆن قسەیانكردووە، باسیان لە شەڕی ئۆكراینا كردووە، زانیاریان لەسەر دۆخەكە بەیەكتر داوە".

 

ئەمەش بزانە: ئەمە یەكەمین گفتوگۆی نێوان دۆناڵد ترەمپ و ڤلادمێر پووتینی سەرۆكی ڕووسیایە لە دوای هەڵبژاردنەكەی ئەمریكاوە.

 

لەلایەكی دیکەوە: بنیامین نەتانیاهۆ لە لێدوانێكی ڕۆژنامەوانیدا گوتی لە چەند ڕۆژی ڕابردوودا چەندین جار بە تەلەفۆن قسەی لەگەڵ دۆناڵد ترەمپ كردووە و باسیان لە دۆخی شەڕ و ئاڵۆزییەكانی نێوان ئیسرائیل و غەززە كردووە.