ئەمریکا پاڵپشتی لە بەڕێوەچوونی پرۆسەی سەرژمێری عێراق دەکات

ئاڤا نیوز

 

باڵیۆزی ئەمەریکا لە عێراق پاڵپشتی وڵاتەکەی بۆ بەڕێوەچوونی پرۆسەی سەرژمێری گشتی دانیشتوانی عێراق دەربڕی و بە هەنگاوێکی گرنگی بوژانەوەی سیاسی و ئابووری ناو برد.

 

وێنە گەورەکە: پرۆسەی سەرژمێری گشتی لە سەرتاسەری عێراق بە هەرێمی کوردستانیشەوە دەستیپێکردووە و تاوەکو 22 ئەم مانگە بەردەوام دەبێت، ئەنجامە سەرەتاییەکانی پرۆسەکەش دوای شەش هەفتە ئاشکرا دەکرێت.

 

لێدوانی فه‌رمی: ئێلینا ڕۆماناوسکی، باڵیۆزی ئەمەریکا لە عێراق ڕاگەیاند: پرۆسەی سەرژمێری گشتیی هەنگاوێکی گرنگە بۆ بەدەستهێنانی زانیاری درووست لەسەر کۆی دانیشتوانی عێراق لە سەرجەم پارێزگاکان و کاریگەری دەبێت لەسەر داڕشتنی پلانی نوێی سیاسی، ئابووری و گەشەپێدان لە عێراق.

 

ڕۆماناوسکی ئاماژەی بەوەشکرد، وڵاتەکەی پاڵپشتی لە پرۆسەی سەرژمێری گشتیی دەکات لەعێراق، بە مەبەستی پێشکەشکردنی خزمەتگوزاری باشتر بۆ هاووڵاتییان  لەسەر بنەمای داتا و زانیارییەکان.