نزیكەی 70% ی عێراقییەكان تۆڕە كۆمەڵایەتیەكان بەكاردەهێنن

ئاڤا نیوز

سەنتەری میدیای دیجیتاڵی DMC لە عێراق ئاماژە بەوەدەدات، بەکارهێنەری تۆڕە کۆمەڵایەتییەکان لە عێراق بۆ 31 ملیۆن و 95 هەزار بەکارهێنەر بەرزبووەتەوە، کە دەکاتە ڕێژەی 69.4% دانیشتووانی عێراق.

وێنە گەورەکە: ئەو ڕاپرسییەی DMC کردوویەتی تا ڕۆژی 23-02-2024 بووە، ژمارەی بەکارهێنەرانی پلاتفۆرمەکان ڕوو لە هەڵکشانن، بە تایبەت تیکتۆک کە هەشت ملیۆن بەکارهێنەری زیادبووە.

ژمارەکان وادەڵێن: بەکارهێنەرانی تیک تۆک لە ساڵی 2024 بۆ سەرووی 31 ملیۆن کەس بەرزبووەتەوە، لە کاتێکدا ساڵی ڕابردوو 23.88 بووە. 

فەیسبووک: بەکارهێنەرانی بووەتە 19.30 ملیۆن کەس بوو، لە ساڵی ڕابردوو 17.95 بەکارهێنەری هەبووە.

یوتیوب: ئێستا ژمارەی بەکار‌هێنەرانی 22.80 ملیۆن کەسە، ڕێژەکەی کەمیکردووە بەراورد بە ساڵی ڕابردوو، کە 24.30 ملیۆن بەکارهێنەری هەبووە. 

ئینستاگرام: زیاتر لە چوار ملیۆن بەکارهێنەری زیادبووە لە 14 ملیۆنەوە بووەتە 18.25 کەس.

مێسینجەر: لە 15.10  ملیۆن کەس بووەتە  15.70 ملیۆن بەراورد بە ساڵی پێشووتر.

سناب چات: ئێستا ڕێژەی بەکارهێنەرانی  17.74  ملیۆن کەسە، ساڵی پێشوو 16.10 ملیۆن بەکارهێنەر بووە.

ئێکس: 2.50 بەکار‌هێنەری هەبووە، ئێستا بووەتە 2.55 بەکارهێنەر.

ئەوەی پێویستە بیزانیت: کەمبوونەوەی ژمارەی بەکارهێنەران لە پلاتفۆرمی یوتیوب پەیوەستە بە شێوازی پێشکەشکردنی بەرهەمەکان لە پلاتفۆرمی تیک تۆک، کە لە دابینکردنی کلیپی کورت بۆ بەکارهێنەران سەرکەوتوو بووە.