زاهیر عەبدوڵڵا و "تەیراوە هەر بە پیاسە"

ئاڤا نیوز

 

پێنج ساڵ بەر لەوەی زاهیر عەبدوڵڵای هونەرمەند کۆچی دوایی بکات، کتێبێکی بەناوی "تەیراوە هەر بە پیاسە"ی بڵاوکردەوە و سەربووردەکانی ژیانی خۆی تێدا تۆمار کردووە.

 

وێنە گەورەکە: پاش ململانێیەکی سەخت لەگەڵ نەخۆشیی شێرپەنجە، هونەرمەند "زاهیر عەبدوڵڵا" گیانی لەدەست دا، جگە لە کاری نواندن، خاوەنی کتێبێکی بیرەوەرییە بەناوی (تەیراوە هەر بە پیاسە)، کە سەربووردەکانی ژیانی خۆی تۆمار کردووە، هاوکات یەکێک لە وەسێتەکانی بەرلەوەی گیان لەدەست بدات، پیاسەیەکی نێو کوچە و کۆڵانەکانی تەیراوە بکات.

 

زانیاریی زیاتر: کتێبەکە لە ژانری بیرەوەرییە، لە 456 لاپەڕە پێکهاتووە، ڕۆژی 12-12-2019 لە هۆلی یەکێتیی نووسەرانی کورد لە هەولێر ناسێندرا، کە بیرەوەرییەکانی لە سەرەتای منداڵییەوە تا یەکەم ڕۆژی ڕاپەڕینی 1991 لە خۆگرتووە، هاوکات نیازی نووسینەوەی کتێبێکی دیکەی هەبوو بەناوی "هەولێر هەر بە پیاسە" بەڵام تەمەن ڕێگەی پێ نەدا.

 

ئەمەش بزانە: هونەرمەندەکە دەیان کاری نواندنی لە شانۆگەریی و دراماکاندا هەیە و دیارترینی درامای "هەبوو نەبوو"ــە، کە کاردانەوەیەکی زۆری لەنێو هاونیشتمانیاندا ھەبووە.