ئەدێل تا کاتێکی نادیار لە کاری هونەری دوور دەکەوێتەوە

ئاڤا نیوز

 

خانمە گۆرانیبێژی بەریتانی ئەدێل، لە دوایین زنجیرە کۆنسێرتەکانی لە ویلایەتی ناڤادای ئەمریکا، ئارەزووی خۆی بۆ پشوودانێک لە ژیانی هونەری دەردەبڕێت.

بڵاوکراوەی فەرمی: ئەدێل لوری بلو، گۆرانیبێژی بەریتانی، لە دوایین کۆنسێرتی لە شاری لاس ڤێگاس بە فرمێسکەوە ماڵئاوایی لە هەوادەرەکانی دەکات دەڵێت نازانم کەی جارێکی دیکە گۆرانی دەڵێمەوە.

 

زانیاریی بەدەستهاتوو: لە مانگی 7 ئەمساڵ ئەدێل ویستی خۆی بۆ پشوودانێک درێژخایەن دەربڕیبوو، ئاماژەیی بەوشکردبوو، ''من ژیانێکی نوێیم بۆ خۆم دروستکردووە، دەمەوێت ئەو ژیانە بژیم''. 

 

باکگراوند: ئەدێلی تەمەن 36 ساڵ یەکێکە لە ئەستێرە دیارەکانی بواری هونەری لە جیهان، یەکەم ئەلبوومی خۆی لە ساڵی 2008 بڵاوکردەوە، گۆرانییەکانی هەمیشە ترێندن و خاوەنی ملیۆنان بینەرە.