ئەمریکا: دژی ئەوەین ئیسرائیل بۆ هەمیشە لە غەززە بمێنێتەوە

ئاڤا نیوز 

 

واشنتن دژایەتیی خۆی بۆ دروستکردنی بنکەیەکی سەربازیی هەمیشەیی ئیسرائیل لە غەززە ڕاگەیاند و دەڵێت، دژی ئەوەن ئیسرائیل بۆ هەمیشە لە غەززە بمێننەوە. 

 

وێنە گەورەکە: ڕۆژێک دوای ئەوەی هەواڵ لەبارەی خێراتربوونی کارەکانی دروستکردنی بنکە سەربازییە هەمیشەییەکەی سوپای ئیسرائیل لە غەززە بڵاوبووەوە، ئەمریکا دژایەتیی خۆی لە مانەوەی هەمیشەیی ئیسرائیل دووپات کردەوە. 

 

زانیاریی بەدەستهاتوو: ڕۆژنامەی نیویۆرک تایمز بە پشتبەستن بە وێنەی مانگە دەستکردەکان ڕایگەیاندووە: سوپای ئیسرائیل لە ناوەڕاستی کەرتی غەززەدا سەرقاڵی خێراترکردنی کارەکانی بنکە سەربازییەکەیە، دروستکردنی ئەم بنکەیە هاوتەریبە لەگەڵ ڕووخاندنی زیاتر لە 600 باڵەخانە لەو ناوچەیە، ئەمەش ئاماژەیە بۆ ئەوەی سوپای ئیسرائیل پلانی بۆهەژموونی درێژخایەن لە غەززەدا هەیە.

 

لێدوانی فەرمی: ڤێدانت پاتێل، جێگری گوتەبێژی وەزارەتی دەرەوەی ئەمریکا ڕایگەیاند: ئەمریکا دژایەتیی خۆی بۆ ئەو پرۆژەیە ڕاگەیاندووە و دژی ئەوەیە ئیسرائیل بۆ هەمیشە لە غەززە بمێنێتەوە.

 

 

 

لەلایەکی دیکەوە: پات ڕادەر، گوتەبێژی پێنتاگۆن، ڕایگەیاند، هەڵوێستی ئەمریکا ئەوەیە کە "ئیسرائیل نابێت بەردەوام بێت لە مانەوە لە غەززە کاتێک ئاگربەست هاتە ئاراوە".