چاوەڕوان دەکرێت دانوستانی ئاشتی ئۆکراینا لە تورکیا بەڕێوەبچێت

ئاڤا نیوز

هاکان فیدان، وەزیری دەرەوەی تورکیا گەشبینە بەوەی لە خاڵێک نزیکبوونەتەوە کە نزیکە لە کۆتاییهێنان بە ململانێیەکانی نێوان ڕووسیا و ئۆکراینا، هاوکات باسیش لەوەدەکات ئەگەر هەیە تورکیا چەقی کۆکەرەوەی ئەو دوو لایەنە ناکۆکە بێت. 

وێنە گەورەکە: بە ئامانجی کۆتاییهێنان بەشەڕی نێوانیان کە ماوەی سێ ساڵ زیاترە بەردەوامە، هەردوولا ئەمساڵ سێ خولی دانوستانی ئاشتییان لە ئیستەنبووڵ ئەنجامداوە، لە ئەنجامی ئەم دانوستانەنە توانراوە تیشک بخرێتە سەر ئاڵوگۆڕی دیلەکان و ئازادکردنیان، بەڵام جگە لە دەستکەوتێکی مرۆیی هیچی دیکە بۆ هەردوولا بەدەستنەهێنرا.

لێدوانی فەرمی: هاکان فیدان، وەزیری دەرەوەی تورکیا لە چاوپێکەوتنێکدا پرسیاری لێکرا کە "ئایا لە ئایندەیەکی نزیکدا دانوستانەکانی ئاشتی "لەبارەی ئۆکراینا" لە تورکیا دادەنرێت؟، لەوەڵامدا فیدان ڕایگەیاند، ئێمە ئێستا باوەڕمان وایە لە ئاییندەیەکی نزیکدا دانوستان دەکرێت، باوەڕم وایە لە تورکیا بەڕێوەدەچێت، دەکرێت لە شوێنێکی دیکەدا ڕووبدات، بەڵام من دڵنیام کە کاتی ئاشتی لە هاتوو.

- ئێستا باوەڕم وایە هەردوولا لە خاڵێک نزیکبوونەتەوە بۆ کۆتاییهێنان بەو جەنگە و سەرهەڵدانی ئاگربەست. 

لەلایەکی دیکەوە: ڕووسیا ئامادەیی خۆی بۆ دەستپێکردنەوەی دانوستانەکانی لەگەڵ ئۆکراینا دەربڕیووە، بەڵام تا ئێستا کیێڤ وەڵامی پێشنیازەکانی پێشووی نەداوەتەوە.