لە هەرێمی کوردستان بەراورد بە ساڵی ڕابردوو دوو بەرامبەر باران باریوە

ئاڤا نیوز

شەپۆلە یەک لەدوای یەکەکانی بارانبارین کاریگەری ئەرێنی لەسەر ناوچەکانی هەرێمی کوردستان هەبووە، بەراورد بە پارساڵ ئەم کاتانە دوو بەرامبەر و سێ بەرامبەر باران لە سەنتەری پارێزگاکانی هەرێمی کوردستان باریوە.

وێنە گەورەکە: لەماوەی ڕابردوو چەند شەپۆلێکی چڕی بارانبارین ناوچەکانی هەرێمی کوردستانی گرتەوە، ئەمەش کاریگەری لەسەر بەرزبوونەوەی ئاستی ئاوی سەرزەوی و ژێرزەوی کردووە، مەترسی وشکەساڵی کەمکردووەتەوە.

ژمارەکان وا دەڵێن: بەگوێرەی ئەو داتایانەی دەست ئاڤا کەوتوون، لە سەنتەری هەرچوار پارێزگای هەرێمی کوردستان سەرووی 100 ملم باران باریوە، زۆرترین ڕێژەی بارانبارینیش لە سەنتەری پارێزگای دهۆک بووە.

جیاوازی باران ئەم ساڵ بە پار ساڵ لە سەنتەری پارێزگاکان بەمشێوەیە:

٠ هەولێر:  ئەمساڵ 212.8 ملم  پار ساڵ 43 ملم

٠ سلێمانی: ئەمساڵ 360.8 ملم پار ساڵ 183ملم

٠ دهۆک: ئەمساڵ  199.5 ملم  پار ساڵ 34.1 ملم

٠ هەڵەبجە: ئەمساڵ 304.9 ملم پار ساڵ 241.6 ملم