شەپۆلێکی دیکەی بەفر و باران لە کوردستان دەستپێدەکات

ئاڤا نیوز

 

شەپۆلێکی دیکەی بەفر و باران ناوچەکانی کوردستان دەگرێتەوە، پلەکانی گەرما دادەبەزێت، لە ناوچە شاخاوییەکان بەفر دەبارێت، لە سەنتەری پارێزگاکانی دهۆک، هەولێر و سلێمانی تێکەڵەیەک لە بەفر و باران و کڕێوە دەبێت.

لێدوانی فەرمی: شێخ دارا، شارەزا و پێشکەشکاری کەشوهەوای ئاڤا ڕایگەیاند، ڕۆژی چوارشەممە شەپۆلێکی دیکەی بەفر  بارین لە دەریای سپییەوە ڕوو لە هەرێمی کوردستان دەکاتەوە و زیاتر لە ناوچەشاوییەکان دەبارێت و پلەکانی گەرمان نزم دەبنەوە و تەمو مژ و بەستەڵک و شەختە دروست دەبێت.

لەلایەکی دیکەوە: بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان، ڕایگەیاند، ئەمڕۆ لەدوای نیوەڕۆ لە سنووری پارێزگای دهۆک باران و بەفردەبارێت، دواتر دەگاتە سنووری ئیدارە سەربەخۆکانی سۆران و ڕاپەڕین، لە درەنگانی شەودا کاریگەرییەکەی دەگاتە سنووری پارێزگای هەولێر، هاوکات کاریگەریی شەپۆلەکە تاوەکو 02-01-2026 بەردەوام دەبێت.

زانیاریی زیاتر: بەپێی پێشبینییەکانی کەش و هەوای کوردستان، ڕۆژی پێنجشەممە شەپۆلەکە بەردەوام دەبێت و لە ناوچە شاخاوییەکان بەفر دەبارێت و لە سەنتەری پارێزگاکانی دهۆک، هەولێر و سلێمانی تێکەڵەیەک لە بەفر و باران و کڕێوە دەبێت، بەرەبەیانی ڕۆژی هەینیش شەپۆلەکە لە هەولێر، سلێمانی و هەڵەبجە چڕتر دەبێتەوە، بەڵام لە دهۆک ئاستی شەپۆلەکە کەم دەبێتەوە.

ئەوەی پێویستە بیزانیت: بەهۆی ئەم بارستە هەوا ساردەوە، شەختە و بەستن لە زۆربەی ناوچە شاخاوییەکان و سەنتەری هەندێک لە شارەکان دروست دەبێت، داوا لە شوفێران دەکرێت لە کاتی هاتووچۆدا ئاگادار بن و بۆ کاری پێویست نەبێت سەردانی دەرەوە نەکەن.