نەتانیاهۆ: ئەگەر حەماس نەمێنێت حکومەتی نوێ لەغەززە پێکدێت

ئاڤا نیوز

بنیامین نەتانیاهۆ، سەرۆکوەزیرانی ئیسرائیل ڕایدەگەینێت بزووتنەوەی حەماس بەڵێنی داماڵینی چەکەکانی داوە، بەڵام هێشتا خاوەنی 60 هەزار چەکە، ئاماژەی بەوەشکرد، ئەگەری پێکهێنانی حکومەتی نوێ لە غەززە هەیە ئەگەر حەماس دەبێت نەمێنێت.

 

وێنە گەورەکە: سەرەڕای بوونی ئاگربەست لە غەززە، بەڵام ئیسرائیل چەندین جار هێرشی بۆ سەر کەرتی غەززە ئەنجامداوە، لە دواین کۆبوونەوەی نێوان بنیامین نەتانیاهۆ و دۆناڵد ترمپ،  هەردوولا جەختیان لەسەر کارکردن بۆ قۆناغی دووەمی ئاگربەستی غەززە کردەوە، تاوەکو ئێستا هیچ وادەیەک بۆ دەستپێکردنی ڕانەگەیێنراوە.

 

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند، من و سەرۆک ترەمپ بەتەواوی ڕێککەوتووین، هیچ گلەیییەکیشم لەلایەن دۆناڵد ترەمپ ەوە، لەبارەی هێرشەکان نەبیستووە. 

زانیاریی زیاتر: لەدوای دەستبەکاربوونی دۆناڵد ترەمپ، ئەوە پێنجەمین سەردانی نەتانیاهۆیە بۆ ئەمریکا، بڕیاریشە لەسەرەتای ساڵی داهاتوو دەست بە قۆناغی دووەمی ڕێککەوتنی ئاگربەستی ئاشتی دەکرێت.