هەسەدە: ئەمساڵ 163 ئۆپەراسیۆنمان دژی داعش ئەنجامداوە و سێ سەرکردەیان کوشتووە

ئاڤا نیوز

 

هێزەکانی سووریای دیموکرات (هەسەدە) ئاشکرای دەکات، لە ڕۆژئاوای کوردستان و باکوور و ڕۆژهەڵاتی سووریا، ئەمساڵ 163 ئۆپەراسیۆنی دژی داعش ئەنجامداوە و بەهۆیەوە 140 ئەندامی داعش دەستگیرکراون و 13 یان کوژراون، لەناو کوژراوەکانیش سیانیان سەرکردەی ڕێکخراوەکە بوون.

 

چیرۆکی سەرەکی: ناوەندی ڕاگەیاندنی هەسەدە لە ڕاگەیێنراوێکدا باسی لەوەشکردووە، لە ساڵی 2025دا ڕێکخراوی داعش 220 هێرشی ئەنجامداوە، ئەوەش مانای وایە مەترسییەکانی داعش تائێستاش بەردەوامن و ڕێكخراوەکە هەموو بۆشاییەکی ئەمنیی بۆ تێکدانی ئارامی دەقۆزێتەوە، بۆیە ئۆپەراسیۆنەکانیش بەردەوام دەبن.

 

ئەنجام: ئەوەشی خستووەتەڕوو، لە بەرامبەریشدا هەسەدە بە هاوکاری هاوپەیمانی نێودەوڵەتی دژی داعش، 163 ئۆپەراسیۆنی دژی ڕێکخراوەکە ئەنجامداوە، کە 32 ئۆپەراسیۆنیان بریتی بوون لە ڕووبەڕووبوونەوەی ڕاستەوخۆ لەگەڵ چەکدارەکانی داعش.

 

ئەنجامی ئۆپەراسیۆنەکان: 

140 ئەندامی داعش دەستگیرکراون

13ی دیکەش کوژراون کە سیانیان سەرکردەی ڕێکخراوەکە بوون