هۆشداریی لە دروستبوونی شەختە لە ڕێگاوبانەکان دەدرێت

ئاڤا نیوز

 

ناوەندی هاوبەشی هەماهەنگی قەیرانەکان سەر بە وەزارەتی ناوخۆی هەرێمی کوردستان هۆشداریی بە هاونیشتمانیان دەدات ئاگاداری سەلامەتی خۆیان بن، چونکە شەپۆلێکی دیکەی بەفر و باران بارین هەرێمی کوردستان دەگرێتەوە.

 

چیرۆکی سەرەکی: بەڕێوەبەرایەتیی گشتیی کەشناسی و بومەلەرزەزانی هەرێمی کورستان بڵاویکردووەتەوە ئەمڕۆ چوارشەممە 31-12-2025، شەپۆلێکی بەفر و باران بارین هەرێمی کوردستان دەگرێتەوە و تاوەکو ڕۆژی هەینی 2-12-2025 بەردەوام دەبێت، پێشبینی بارانبارین لە ناوچە جیاوازەکان و بارینی بەفر لە بەشێکی ناوچە شاخاوییەکان دەکرێت، پلەکانی گەرما لە سەنتەری شارەکان و ناوچە شاخاوییەکان بۆ خوار سفر دادەبەزێت.

 

لێدوانی فەرمی: ئەندازیار عیماد محەممەد ئەمین، بەڕێوەبەری چاککردنەوە و پاراستنی ڕێگاوبانی هەولێر، بە ئاڤای گوت، لە چەند ڕۆژی ڕابردوو بەردەوام تیمەکانمان لە ئەرکدا بوون بۆ پاککردنەوەی ڕێگاوبانەکان و ڕزگارکردنی هاونیشتمانیی، گەشتیاران و پرژاندنی خوێ بە ڕێگاوبانەکان، دەشڵێت، بەداخەوە بەشێک لە خەڵکی هاوکارمان نەبوون، داواکارین هاوکاری تیمەکانمان بن بۆ ئەوەی بتوانن ئەرکی خۆیان جێبەجێ بکەن.

 

لە لایەکی دیکەوە: بەڕێوەبەرایەتیی چاککردنەوە و پاراستنی ڕێگاوبانی هەولێر هاونیشتمانیان ئاگادار دەکاتەوە،  هاتنی شەپۆلی سێیەمی  بەفر بارین ئەمڕۆ دەست پێدەکات، پلەی گەرمی بۆ ژێر سفر دادەبەزێت، داواش دەکەن، خەڵک ئەو رێگایانە بەکارنەهێنن، بەتایبەتی بارهەڵگرەکان.