هۆشدارییەک لە کەشناسیی کوردستانەوە

ئاڤا نیوز

 

بەپێی پێشبینییەکانی كەشناسیی کوردستان، ئەمشەو لە هەندێ ناوچەی هەرێمی کوردستان پلەکانی گەرما بۆ خوار سفر دادەبەزن و شەختە دروست دەبێت.

 

بڵاوکراوەی فەرمی: بەڕێوەبەرایەتیی گشتیی کەشناسی و بومەلەرزەزانی هەرێمی کوردستان بڵاوی کردووەتەوە، سبەی چوارشەممە پلەکانی گەرما لە هەندێ ناوچە بەرز دەبێتەوە، بەڵام ئەو ناوچانەی لە ژێر کاریگەری شەپۆڵی بەفر دەبێت پلەکانی گەرما نزم دەبێتەوە.

 

لەلایەکی دیکە: شێخ دارا، شارەزا و پێشکەشکاری ئاڤا، گوتی: ئەمە دوایین شەپۆلی ئەمساڵ بوو، ئەگەریش هەیە لە ناوچە شاخاوییەکانی دەوروبەری دهۆک و زاخۆ و سۆران بەفر ببارێت.

 

ژمارەکان وا دەڵێن: پلەکانی گەرما کاتژمێر نۆی ئەمشەو لە هەندێ ناوچەکانی هەرێمی کوردستان بەمجۆرە بووە: 
هەولێر 1
پیرمام -5
سۆران -3
خەبات 1
شەمامک 2
بارزان -2
حاجی ئۆمەران -9
مێرگەسۆر -5
سلێمانی -1
چەمچەماڵ 0
بازیان -3
هەڵەبجە 3
دهۆک 0
زاخۆ 0
ئاکرێ 0
ئامێدی -4
بامەڕنێ -5
مانگێش -6
کەلار 3

لەلایەکی دیکە: بەهۆی دابەزینی پلەکانی گەرما و مەترسی دروستبوونی شەختە، بەڕێوەبەرایەتیی چاککردنەوە و پاراستنی ڕێگاوبانی هەولێر، هۆشداریی دەداتە هاونیشتمانیان و گەشتیاران كە ڕێگاکان بەتەواوەتی دەبنە بەستەڵەک، بۆیە بەدرێژایی شەو تیمەکان بەردەوام دەبن بە پرژاندنی خوێ لە ڕێگاکان.