بەراورد بە ساڵی ڕابردوو ڕووداوەكانی ئاگركەوتنەوە %67 كەمی كردووە

 

 

ساڵی 2025 بەراورد بە ساڵی 2024 بەڕێژەی %67 ڕووداوەکانی ئاگرکەوتنەوە لە هەولێر کەمی کردووە، بەڕێوەبەرایەتیی بەرگرىی شارستانیی هەولێر هۆکارەکانی خستەڕوو. 

 

 

 

ڕاگەیێنراوی فەرمی: بەڕێوەبەرایەتی بەرگریى شارستانیی هەولێر ڕاپۆرتێکی لەبارەی ڕووداوی ئاگرکەوتنەوەکانی ساڵی 2025 بڵاوکردەوە و تێیدا هاتووە؛ ساڵی 2025 کۆی گشتی 732 ڕووداوی ئاگرکەوتنەوە هەبووە، لەکاتێکدا ساڵی 2024 دوو هەزار و 206 ڕووداوی ئاگر هەبووە.

 

 

هۆکارە زانراوەکان؛ بەگوێرەی ناوەڕۆکی ڕاپۆرتەکەی بەڕێوەبەرایەتی بەرگرىی شارستانیی هەولێر، ڕووداوەکانى ئاگر لە ساڵی 2025 بەراورد بە ساڵی 2024 بەڕێژەی %67 کەمی کردووە و هۆکارەکانى کەمبوونەوەشی بۆ ئەم چەند خاڵەی خوارەوە گەڕاندەوە: 

 

- گرنگیدانی ئەنجوومەنی وەزیران بە بەڕێوەبەرایەتی بەرگرىی شارستاتیی هەولێر و دابینکردنی کارمەند.

- دابینکردنی پێداویستی و کەلوپەل و ئامێر و ئۆتۆمبێلی ئاگرکوژێنەوە لەلایەن وەزیرى ناوخۆ.

- پڕۆژەی ڕووناکی کاریگەری هەبووە لەسەر کەم کردنەوەی ڕووداوەکانی شۆرتی کارەبای ماڵان.

- پشکنین بۆ هەموو ئەو شوێنانەی کە چەندین ساڵە فەرامۆش کرابوون.

- گرتنەبەری ڕێکاری یاسایی بۆ ئەو شوێنانەى کەوا پابەند نەبوونە بە جێبەجێکردنى سیستەمی سەلامەتی.

- هۆشیارکردنەوەى هاووڵاتیان لەڕێگەى میدیا و سۆشیاڵ میدیا و کردنەوەى خوول بۆ قوتابخانە و فەرمانگەکانی حکومەت.