لە ساڵی 2025 نزیکەی 92 هەزار پارچە زەوی لە ناوچەکانی هەرێمی کوردستان دابەشکراوە

ئاڤا نیوز

 

وەزارەتی شارەوانی و گەشتوگوزار رایدەگەیێنێت، 485 هەزار فەرمانبەر، پێشمەرگە و خانەنشین فۆڕمی وەرگرتنی زەوییان گەڕایەوە شارەوانییەکان و ژمارەیەکی زۆریان تیروپشکی وەرگتنیی زەوییان بۆ کرا.

 

وێنە گەورەکە: بۆ ماوەی چەندین ساڵ، دابەشکردنی زەوی ڕاگیرابوو، لە کابینەی نۆیەمی حکومەتی هەرێمی کوردستان بڕیاریدا هەر فەرمانبەرێک ئەگەر مەرجەکانی پێدانی زەوی هەبێت، 200 مەتر زەوی پێبدرێت، 485 هەزار کەس ڕەزانەمەندیان هەیە و ئەمساڵ 19٪ـی ئەو ڕێژەیە تیروپشکی دابەشکردنی زەوییان بۆ کراوە.

 

لێدوانی فەرمی: سەربەست مەولوود، سەرپەرشتیاری تیمی وردبینی فۆڕمی زەویی لە وەزارەتی شارەوانی، بە ئاڤای ڕاگەیاند، لە هەر چوار پارێزگا و هەر چوار ئیدارە سەربەخۆکەی هەرێمی کوردستان، 485 هەزار فەرمانبەر و خانەنشینان فۆڕمیان پەسەند کراوە و بۆ شارەوانییەکان گەڕێنراونەتەوە، لەو ڕێژەیە نزیکەی 285 هەزار فەرمانبەری مەدەنی و خانەنشینن، نزیکەی 200 هەزار پێشمەرگە و هێزی ئەمنین.

 

ژمارەکان وا دەڵێن: ئەم فۆڕمانەی پەسەندکراون بەمشێوەیە بەسەر پارێزگا و ئیدارە سەربەخۆکان دابەش دەبن:

٠ هەولێر: 140 هەزار فۆڕم
٠ سلێمانی: 130 هەزار فۆڕم
٠ دهۆک: 86 هەزار فۆڕم
٠ هەڵەبجە: 11 هەزار
٠ سۆران: 38 هەزار
٠ زاخۆ: 15 هەزار
٠ ڕاپەڕین: 34 هەزار
٠ گەرمیان: 31 هەزار

تاوەکو ئێستا 91 هەزار و 736 کەس تیروپشکی دابەشکردنی زەوییان بۆ کراوە، بەمشێوەیە:

٠ هەولێر: 64 هەزار
٠ سلێمانی: 19.5 هەزار فۆڕم
٠ دهۆک: سێ هەزار و 489 فۆڕم
٠ هەڵەبجە: هیچ زەوییەک دابەشنەکراوە
٠ سۆران: هیچ زەوییەک دابەشنەکراوە
٠ زاخۆ: چوار هەزار و 747
٠ ڕاپەڕین: هیچ زەوییەک دابەشنەکراوە
٠ گەرمیان: هیچ زەوییەک دابەشنەکراوە