لە قۆناغی دووەم زەوی بە پێشمەرگە و مامۆستایان دەدرێت

ئاڤا نیوز

 

بڕیارە لە قۆناغی دووەمی پرۆسەی دابەشکردنی زەوی نزیکەی 100 هەزار کەس زەوی وەربگرن، لەو پرۆسەیەشدا مامۆستایان و پێشمەرگە سوودمەند دەبن.

وێنە گەورەکە: پرۆسەی وردبینیکردن لە قۆناغی دووەمی دابەشکردنی زەوی بەسەر فەرمانبەران و خانەنشینان گەیشتۆتە قۆناغی کۆتایی. لەم قۆناغە وردبینی بۆ زیاتر لە 100 هەزار فۆڕم دەکرێت و ئێستا لە قۆناغی کۆتاییدایە، لە دوای تەواوبوونی نووسراو بۆ ئەنجوومەنی وەزیران دەکرێت بۆ ئەوەی ڕەزامەندی لەسەر بدات، دواتر دەست بە دابەشکردنی زەوییەکان دەکرێت.

 

لێدوانی فەرمی:  گوتەی سەربەست مەولوود، سەرپەرشتیاری لیژنەی وردبینی لە وەزارەتی شارەوانی بۆ ئاڤا، "ئەو وەزارەتانەی کە لە قۆناغی ڕابردوو زەوییان وەرنەگرتووە، لەم قۆناغە وەریدەگرن، ئەوانیش ئەم وەزارەتانەن، ناوخۆ، پەروەردە، پێشمەرگە، خوێندنی باڵا، سامانە سروشتییەکان و تەندورستی".