دەزگای هەواڵگریی تورکیا کوژرانی بەرپرسێکی پەکەکەی لە سلێمانی ڕاگەیاند

ئاڤا نیوز

 

 میدیای فەرمی تورکیا لە زاری دەزگای هەواڵگری وڵاتەکەیەوە، کوشتنی بەرپرسێکی پژاک لە پارێزگای سلێمانی ڕاگەیاند، کە ماوەیەکە لەلایەن هەواڵگری تورکیاوە چاودێری دەکرێت، میدیای پەکەکەش هەواڵی کوژرانەکەی پشت ڕاست کردووەتەوە. 

 

زانیاریی بەدەستهاتوو: بە گوێرەی زانیارییەکانی میت، مورڤەت گولسێڤار کە بە ژیان ناسراوە، دوای ئەوەی میت لە ڕێگەی تۆڕی هەواڵگرییەوە زانیاری لەسەر شوێنەکەی دەست دەکەوێت، لە ئۆپەراسیۆنێکدا لە قەزای پینجوێن لە شاری سلێمانی کرایە ئامانج.

 

بۆچوونی لایەنی بەرامبەر: میدیای نزیک لە پەکەکە هەواڵی کوشتنەکەی پشتراست دەکاتەوە.

 

زانیاریی زیاتر: گولسێڤار، لە ساڵی 1992 پەیوەندی بە ڕیزەکانی پەکەکە کردووە، ناوی لە لیستی داواکراوەکانی میت هەبووە، لەڕیزی بەرپرسانی باڵای پژاک کاری کردووە.

 

ئەوەی پێویستە بیزانیت: ئۆپەراسیۆنەکانی میت لە قەزای پێنجوێن لە سەر سنووری ئێران لە دژی چەکدارانی پەکەکە بەردەوامە.

 

باکگراوند: زانراوە گولسێڤار یەکێک بووە لەو بەرپرسانەی ڕۆڵی هەبووە لە لەناوبردنی ئەو کەسانەی کە ویستوویانە لە دەست ڕێکخراوەکە ڕابکەن و خۆیان ڕادەستی تورکیا بکەنەوە و تۆمەتی "سیخوڕ"ی داوەتە پاڵیان.