کار بۆ چارەسەرکردنی دووکەڵی وێستگەی کارەبای خەبات دەکرێت

ئاڤا نیوز

دووکەڵی پیسی وێستگەی هەڵمیی بەرهەمهێنانی کارەبا لە قەزای خەبات، چەند ساڵێکە تەنگی بە خەڵکی ناوچەکە هەڵچنیوە، کۆمپانیای جێبەجێکاری پێشووی وێستگەکەش دراوەتە دادگا.

وێنە گەورەکە: بەهۆی لەکارکەوتنی سیستمەکەی، دووکەڵی وێستگەی هەڵمیی 300 مێگاواتی کارەبای خەبات، هەوا و ژینگەی ناوچەکەی پیس کردووە، دانیشتووانی ئەو قەزایە نیگەرانن و دەڵێن هەموویان تووشی نەخۆشی بوون.

لێدوانی فەرمی: کوێستان ئەحمەد، قایمقامی قەزای خەبات بە ئاڤا میدیای ڕاگەیاند:

٠ کێشەی وێستگەی هەڵمی 300 مێگاواتی خەبات لەکارکەوتنی سیستمی وێستگەکەیە.

٠ یەکەمجار کۆمپانیایەک سەرپەرشتی دەکرد، بەڵام کەمتەرخەم بوو بۆیە لێی وەرگیرایەوە و دراوەتە دادگا، کەیسەکەیان لە دادگایە و یەکلایی نەبووەتەوە.

٠ ئێستا دراوەتە کۆمپانیایەکی دیکە، بەردەوام بەدواداچوونمان کردووە، مەسرور بارزانی، سەرۆکوەزیرانی کوردستان گوژمەیەکی تایبەتی تەرخان کردووە بۆ چارەسەرکردنی کێشەکە و دەست بە کارکردن کراوە بۆ نەهێشتنی دووکەڵەکە.

بۆچی گرنگە: چارەسەرکردنی دووکەڵەکە دەبێتە هۆی پاکبوونەوەی ژینگەی ناوچەکە و پاراستنی هاووڵاتییان لە نەخۆشیی جۆراوجۆر.