لێکدانەوەی فەلەکی یەکەم ڕۆژی ڕەمەزانی 2026 دیاری دەکات

ئاڤا نیوز

لێکدانەوە فەلەکییەکان بۆ ساڵی نوێی کۆچی 1447، وادەی مانگی ڕەمەزانی پیرۆز و یەکەم ڕۆژی بەڕۆژووبوون بۆ ساڵی 2026 ئاشکرا دەکات.

لێدوانی فەرمی: ئیبراهیم جەروان، سەرۆکی کۆمەڵەی فەلەکناسی ئیمارات ڕایگەیاند، هیلالی مانگی ڕەمەزان لە ڕۆژی سێشەممە 17ی شوباتی داهاتوو لە کاتژمێر 16:01 بە کاتی ئیمارات (15:01 بە کاتی سعودییە) لەدایک دەبێت. بەڵام دوای یەک خولەک لە خۆرئاوابوون دیار نامێنێت، بۆیە چاوەڕوان دەکرێت بینینی زەحمەت بێت. لەسەر ئەم بنەمایە، ڕۆژی پێنجشەممە 19ی شوبات یەکەم ڕۆژی ڕەمەزان دەبێت و ڕۆژی هەینی 20ی ئازاریش یەکەم ڕۆژی جەژنی ڕەمەزان دەبێت.

زانیاریی زیاتر: بەگوتەی ئیبراهیم جەروان، چاودێری بینینی مانگی هیلالی دوای خۆرئاوابوون لە ڕۆژی چوارشەممە 29ی شەعبانی ساڵی 1447 دەکرێت کە دەکاتە 18ی شوباتی 2026، بۆ دیاریکردنی وادەی وردی دەستپێکردنی مانگی ڕەمەزان.