هەسەدە و ئەحمەد شەرع لەسەر دۆخی ڕۆژئاوای کوردستان کۆبوونەوە

ئاڤا نیوز

 

ڕۆژی دووشەممە 2024-12-30، هێزەکانی سووریای دیموکرات (هەسەدە) و ئەحمەد شەرع سەرۆکی ئیدارەی نوێی سووریا لەسەر دۆخی سووریا کۆبوونەوە.

 

لێدوانی فەرمی: بەرپرسێکی بەشداربوو لە کۆبوونەوەکە کە نەیوستووە ناوەکەی ئاشکرا بکرێت بە ئاژانسی فرانس پرێسی ڕاگەیاند: کۆبوونەوەکە ئەرێنی بووە و ڕێککەوتووین لەسەر درێژەدان بە گفتوگۆکان و چڕکردنەوەی دانوستانەکان لە داهاتوودا.

 

ئەوەی ئێستا ڕوودەدات: كۆبونەوەكە لەكاتێكدایە، هێزەكانی سووریای دیموكرات لەشەڕدان لەگەڵ گرووپە هاوپەیمانەكانی توركیا لە باكوری سووریا.

 

باکگراوەند: كۆبوونەوەكەی ئەحمەد شەرع لەگەڵ سەركردەكانی سووریای دیموكرات كە ڕۆژی دووشەممە بەڕێوەچووە، بە یەكەم كۆبونەوە دادەنرێت لە دوای ڕووخانی رژێمی بەشار ئەسەد لە8ـی ئەم مانگە.