نزیکەی 600 سزادراو لە هەرێمی کوردستان لە چاکسازییەکاندا دەخوێنن

ئاڤا نیوز

ماوەی چەند ساڵێکە لە چاکسازییەکانی هەرێمی کوردستان دەرفەتی خوێندن بۆ زیندانییان ڕەخسێنراوە، بەپێی ئامارەکان نزیکەی 600 زیندانی لە چاکسازییەکان لە قۆناغە جیاوازەکاندا دەخوێنن.

 

وێنە گەورەکە: بەگوێرەی یاسا ئەوانەی بۆ ساڵانێکی زۆر حوکم دەدرێن و لە چاکسازییەکان دەمێننەوە مافی خوێندنیان هەیە، تەنانەت تاوەکو تەواوکردنی دوایین قۆناغ، بەمەرجێک لەگەڵ هەلومەرجی توانای چاکسازییەکە بگونجێت.

 

لێدوانی فەرمی: ئیحسان عەبدولرەحمان بابان، بەڕێوەبەری گشتی چاکسازییەکانی هەرێمی کوردستان بە ئاڤا میدیای ڕاگەیاند، لە هەموو چاکسازییەکانی پارێزگاکانی هەرێمی کوردستان، ئێستا 587 زیندانی لە قۆناغی سەرەتایی تا ماستەر دەخوێنن، ئەمەش لە پێناو ئاسانکاری و دوانەکەوتنە لە قۆناغەکانی خوێندن.

 

ئەوەی پێویستە بیزانیت: لە چاکسازییەکانی هەرێمی کوردستان، لەڕێگەی دابینکردنی هۆڵ و هەماهەنگیکردن لەگەڵ وەزارەتی پەروەردە و خوێندنی باڵا بۆ دابینکردنی پێداویستی خوێندن و مامۆستا، توانراوە کەشی خوێندن بۆ سزادراوان بڕەخسێت.