4ـی کانوونی دووەم رۆژی جیهانی نووسینی برایلە

ئاڤا نیوز

 

نووسینی برایلە، داهێنانێک پتر لە دوو سەدەیە بووتە فریادڕەسی نابینایان و بەهۆیەوە لە چالاکییەکانی مرۆڤایەتی ئاگادارن.

 

چیرۆکی سەرەکی: ئەم کۆدە ناوازەیە لەلایەن لویس برایلی فەرەنسی داهێنراوە، ساڵی 1812 ئەو کاتەی لویس تەمەنی تەنیا سێ ساڵ بوو، ڕۆژێک لە دووکانی باوکی، یەکێک لە چاوەکانی بەهۆی ئامێرێکەوە بریندار دەبێت، تا ماوەیەک هەوکردن هەردوو چاوی دەگرێتەوە و وای لێ دەکات چاوەکانی لەدەست بدەن. ئیدی ژیانی نابینایی برایل دەستپێدەکات.

 

زانیاریی زیاتر: لە تەمەنی شانزە ساڵی لویس برایل دەستدەکات بە پەرەدان بیرۆکە ناوازەکەی ئەویش بریتییە لە دانانی شەش خاڵی هەڵتۆقیو، لە دوو دێری ستوونی شێوە لاکێشە دایڕشت. ئیدی وەک شێوازێکی نوێی نووسین داهێنرا، بەڵام تا ساڵی 1918 وەک نووسینێکی فەرمی ئاشکرا نەبوو، لەو ساڵانەوە لە جیهان هەموو نابینایان بەکاری دەهێنن.

 

ئەوەی پێویستە بیزانیت: ساڵی 2009 هاوکات لەگەڵ یادی 200 ساڵەی لویس برایل ڕۆژی چواری کانوونی دووەمی هەموو ساڵێک بە ڕۆژی جیهانی برایل دەستنیشانکرا و ساڵانە ستایشی داهێنانە مەزنەکەی برایل دەکرێت.