ئەردۆغان هەڕەشە لە پەکەکە دەکات

ئاڤا نیوز

 

لە دوای کۆبوونەوەی ئەنجوومەنی وەزیرانی تورکیا لە ئەنقەرە، سەرۆککۆماری تورکیا ڕایگەیاند، لە داهاتووی سووریادا هیچ جێگەیەک بۆ تیرۆر نییە. هاوکات هەڕەشەی ئەنجامدانی هێرشی سەربازی بۆ سەر هەسەدە کرد.

 

لێدوانی فەرمی: ڕەجەب تەیب ئەردۆغان سەرۆککۆماری تورکیا ڕایگەیاند:

- کۆتایی چەکدارانی سەر بە پەکەکە لە سووریادا نزیکە و هیچ جێگەیەک بۆ تیرۆر لە داهاتووی سووریادا نییە.

- ئەگەر تورکیا هەست بە مەترسی بکات لە سنوورەکانی تورکیا و سووریا، هێرشی سەربازی دەکەینە سەر چەکدارانی سەر پەکەکە لە ڕۆژئاوای کوردستان.

- هەڵوەشاندنەوەی سووریا و تێکدانی یەکڕیزییەکەی قبووڵ ناکەین، ئەگەر هەر مەترسییەک لەمڕووەوە ببینن، هەنگاوی پێویست دەگرینەبەر.

 

ئەوەی پێویستە بیزانیت: تورکیا بوونی چەکدارانی کورد لە ڕۆژئاوای کوردستان بە مەترسی بۆ سەر وڵاتەکەی دەزانێت و ئەمریکا و وڵاتانی ڕۆژئاواش پاڵپشتی خۆیان بۆ چەکدارانی پەکەکە لە ڕۆژئاوای کوردستان دەربڕیوە و داوای نەهێشتنی گرژییەکان لە نێوان هێزەکانی سووریای دیموکرات (هەسەدە) و تورکیا دەکەن.