دانیشتووانی گوندێكی هەورامان بە هاوبەشی باڵەخانەیەك لە تاران دەكڕن

ئاڤا نیوز 

دانیشتووانی گوندێكی هەورامانی ڕۆژهەڵاتی كوردستان، باڵەخانەیەك لە تارانی پایتەختی ئێران دەكڕن بۆ ئەوەی لە كاتی گەشتیان بۆ شارەكە، شەو لێی بمێننەوە.

 

چیرۆكی سەرەكی: نزیكەی 700 كەسی خەڵكی گوندی بڵبەری هەورامان لە ڕۆژهەڵاتی كوردستان، باڵەخانەیەكی لە تارانی پایتەختی ئێران كڕیوە و ناویان ناوە یانە باوان(ماڵە باوان) ئەمەیان بۆ ئەوە كڕیوە كە هەر كاتێك دانیشتووانی گوند ڕێگەیان بكەوێتە تاران، بە شەو نەچنە هۆتێل و مۆتێل بەڵكوو لەو یانە باوانە بمێننەوە.

 

زانیاریی زیاتر: 700 كەسی گوندەكە بەشدارییان لە كڕینی باڵەخانەكە كردووە و هەریەكەیان بڕی 100 دۆلاریان داوە و باڵەخانەكە بە چوار ملیار و 900 ملیۆن تمەن كڕدراوە.