شەڕی سوپای ئازاد و هەسەدە لە دەوروبەری بەنداوی تشرین بەردەوامە

ئاڤا نیوز

 

گرووپە چەکدارەکانی سەر بە سوپای ئازاد بەردەوامن لە هێرشەکانیان بۆ سەر ناوچەکانی ژێر کۆنترۆڵی هەسەدە لە ڕێگەی بۆردوومانی ئاسمانی و زەمینی بۆ کۆنترۆڵکردنی دوو شوێنی ستراتیژی، ئەوانیش بەنداوی تشرین و پردی قەرەقوزاخن.

 

وێنە گەورەکە: 28 ڕۆژی تەواوە پێکدادانی تووند لەنێوان سوپای ئازاد و هێزەکانی هەسەدە لە بەنداوی تشرین بەردەوامە و بە دەیان کەس لە نێوانیاندا کوژراون و بریندار بوون.

 

ڕاگەیێنراوی فەرمی: ڕووانگەی سووری بۆ مافەکانی مرۆڤ ڕایگەیاند، شەڕێکی قورس لە دەوروبەری بەنداوی تشرین هەیە، گرووپە چەکدارەکان دەیانەوێت ڕێڕەوی هێرشی خۆیان بۆ بەری ڕۆژهەڵاتی حەلەب و ڕووباری فورات بگوازنەوە.

 

زانیاریی زیاتر: بەپێی ڕووانگەی سووری، تورکیا هێزی پشتیوانیی زیاتری داوەتە ئەو گرووپە چەکدارانەی کە لەخۆیەوە نزیکن و ئەمڕۆش دەوروبەری بەنداوی تشرین بە تۆپخانەی قورس و فڕۆکە جەنگییەکان بۆردوومان کراوە.

 

باکگراوند: لەگەڵ چوونی شاندێکی خاچی سووری نێودەوڵەتی بۆ پشکنینی بەنداوی تشرین، پێکدادانەکان کەمببوونەوە، بەڵام دوای ئەوەی شاندەکە ناوچەکەیان بەجێهێشتووە، گرژییەکان زیاتر بوون و بەنداوەکەش زیانی زیاتری بەرکەوتووە.