لە ساڵی 2024 نزیكەی 10 هەزار ئاگركەوتنەوە لە هەرێمی كوردستان ڕوویانداوە

ئاڤا نیوز

 

بەڕێوەبەرایەتیی گشتیی بەرگریی شارستانیی هەرێمی كوردستان، ئاماری ڕووداوەكانی ئاگركەوتنەوەی بە درێژایی ساڵی 2024 بڵاوكردەوە.

 

لێدوانی فەرمی: سەركەوت كاڕەش، گوتەبێژی بەرگریی شارستانیی هەرێمی كوردستان لە كۆنفڕانسێكی ڕۆژنامەوانیدا ڕایگەیاند: لە ساڵی 2024دا، بە گشتی نۆ هەزار و 904 ڕووداوی ئاگركەوتنەوە هەبووە.

 

زانیاریی زیاتر: لە ساڵی 2024دا چوار هەزار و 755 ڕووداوی سووتانی پووش و پەڵاش و 594 ڕووداوی سووتانی ئۆتۆمبێل تۆمار كراوە.

 

لەلایەكی دیكەوە: بەپێی ئاماری بەڕێوەبەرایەتیی گشتیی بەرگریی شارستانی لە كۆی ڕووداوەكان 48 كەس گیانیان لەدەست داوە و 94 حاڵەتی خنكان لە نێو ئاو لە سەرتاسەری هەرێمی كوردستان تۆمار كراوە و لەو ماوەیەدا تیمەكانی بەڕێوەبەرایەتییەكە 85 هەزار و 785 پشكنینیان بۆ شوێنی جۆراوجۆر ئەنجام داوە.