ترەمپ بۆ خامنەیی: هیوای باشی و سەرکەوتنی بۆ دەخوازم

ئاڤا نیوز 

 

دۆناڵد ترەمپ، سەرۆکی هەڵبژێردراوی ئەمریکا پەیامێک ئاراستەی عەلی خامنەیی، ڕێبەری باڵای کۆماری ئیسلامی ئێران دەکات و "هیوای باشبوون"ـی بۆ دەخوازێت.

 

لێدوانی فەرمی: دۆناڵد ترەمپ، سەرۆکی هەڵبژێردراوی ویلایەتە یەکگرتووەکانی ئەمریکا لە چاوپێکەوتنێکی ڕۆژنامەوانیدا داوای لێکرا پەیامێک بە عەلی خامنەیی، ڕێبەری باڵای کۆماری ئیسلامیی ئێران بدات، لە وەڵامدا گوتی، ''هیوای باشی و سەرکەوتنی بۆ دەخوازم''.

 

ئەوەی پێویستە بیزانیت: ئەم لێدوانەی ترەمپ دوای ئەوەی دێت کە پەیوەندییەکانی  نێوان ئەمریکا و ئێران ئاڵۆزتر دەبن و ناکۆکییەکانیان لەسەر پرسە نێودەوڵەتییەکان زیاتر دەبێت، لەوانەش بەرنامەی ئەتۆمیی ئێران و ڕۆڵی ئێران لە ناوچەکەدا.

 

ئەوەی پێشبینی دەکرێت: سیاسەتی ترەمپ بەرامبەر بە ئێران لەماوەی سەرۆکایەتییەکەیدا تووندتر بێت، هەروەک چۆن پێشتر لە بانگەشەی هەڵبژاردندا ڕایگەیاندبوو، کە سیاسەتی 'زۆرترین فشار' بەرامبەر ئێران پەیڕەو دەکات.