لەبارەی دامەزراندنی سێ یەکەمەکان کۆبوونەوەیەک لەنێوان هەولێر و بەغدا کرا

ئاڤا نیوز
 
سەرۆكی ئەنجوومەنی ڕاژەی گشتیی عێراق لەگەڵ وەزیری خوێندنی باڵا و توێژینەوەی زانستی حكومەتی هەرێمی كوردستان كۆدەبێتەوە و پرسی دامەزراندنی سێ یەكەمەكان و هەڵگرانی بڕوانامە باڵاكان تاوتوێ كراوە.
 
ڕاگەیێنراوە فەرمییەکان: هەردوو لایەن لە ماڵپەڕی فەرمی خۆیان بڵاویان كردۆتەوە، بۆ پرسی دامەزراندنی سێ یەكەمەكان و هەڵگرانی بڕوانامە باڵاكان، دكتۆر ئارام محەممەد قادر، وەزیری خوێندنی باڵا و توێژینەوەی زانستی هەرێمی كوردستان، لەگەڵ مەحموود عەبد، سەرۆكی ئەنجوومەنی ڕاژەی گشتیی عێراق كۆبوونەتەوە و باسیان لەم چەند خاڵە کردووە:- 
  
- لە کۆبوونەوەکەدا پرسی دامەزراندنی یەكەمەكانی زانكۆ و خاوەن بڕوانامە باڵاكان تاوتوێ كراوە.

 

- هەروەها باس لە كاری هاوبەشی نێوان هەردوو ئەنجوومەن كراوە بۆ دامەزراندنی سێ یەكەمەكان و هەڵگرانی بڕوانامەی بەرز بەگوێرەی هەردوو یاسای ڕاژەی شارستانی ژمارە 59 و 67.

 

- باس لە بەدیجیتاڵكردنی پرۆسەی دامەزراندن و ڕێكخستنی میلاكات كراوە بەجۆرێك هەردوو حكومەتی هەرێمی كوردستان و حكومەتی فیدراڵی لەڕووی ڕاژەی شارستانییەوە بە سیستەمێكی هاوبەش، بەیەكتری ببەسترێنەوە.

باکگراوند: نزیكەی 15 ساڵە دامەزراندن لە هەرێمی كوردستان وەستاوە، ئێستا زیاتر لە چوار مانگە ئەنجوومەنی وەزیرانی هەرێمی کوردستان ڕەزامەندی دەربڕیوە بۆ دامەزراندنی سێ یەکەمەکان کە ژمارەیان زیاتر لە 10 هەزار کەسە.