بڕیاردرا هەنگاوەکان بۆ دامەزراندنی سێ یەکەمەکان خێراتر بکرێن

ئاڤا نیوز

 

لەبارەی دامەزراندنی سێ یەکەمەکانی زانکۆ و پەیمانگەکان و هەڵگرانی بڕوانامەی ماستەر و دکتۆرا و دەرچووانی زانکۆکان بەگشتی، لە نێوان هەولێر و بەغدا کۆبوونەوەیەک کرا، بڕیار درا بۆ ئەم مەبەستە ڕێکارە یاسایی و کارگێری و تەکنیکییەکانى نێوان هەردولا خێراتر بکرێن.

 

وێنە گەورەکە: ئەمڕۆ پێنجشەممە، بەمەبەستی دۆزینەوەی ڕێگا چارەیەک بۆ پرسی دامەزراندنی سێ یەکەمەکان و هەوڵگرانت بڕوانامە باڵاکان، د. ئارام محەممەد قادر، وەزیری خوێندنی باڵای هەرێمی کوردستان لەگەڵ مەحمود محەممەد عەبد، سەرۆکی ئەنجوومەنی ڕاژەی حکومەتی عێراق و شاندێکی یاوەری لە هەولێر کۆبوونەوە. 

 

زانیاریی زیاتر: لە کۆبوونەوەکەدا باس لە چەند خاڵێکی پەیوەست بە خوێندکار یەکەمەکانی زانکۆ و پەیمانگاکانی هەرێمی کوردستان کرایەوە کە پێکهاتوون لەمانە:- 

 

- باس لە دامەزراندنی سێ یەکەمەکانی سەر ئاستی بەش و کۆلێژەکانی زانکۆ و پەیمانگاکانی هەرێمی کوردستان کراوە لەگەڵ هەڵگرانی بڕوانامەی ماستەر و دکتۆرا کرا. 

- هەردوولا هاوڕابوون لە ڕەخساندنی دەرفەتی دامەزراندن بۆ گەنجان بە ئامانجی کەمکردنەوەی کۆچی نایاسای بۆ دەرەوەی وڵات.

- جەخت لەسەر پێویستی هەماهەنگی لە نێوان هەردوو وەزارەتی پەیوەندیدار کرایەوە، بە ئامانجی خزمەتکردنی بە دەرچووان و سوود وەرگرتن لە پسپۆڕییە جیاوازەکان. 

- لەکۆبوونەکەدا بڕیاردرا ڕێکارە یاسایی و کارگێری و تەکنیکییەکانى نێوان هەردوولا خێراتر بکرێن، بەمەبەستی هێنانە کایەی شەفافیەت و ڕەخساندنی هەلی شایستە بۆ کەسی شایستە.