مەسرور بارزانی پیرۆزبایی لە سەرۆککۆماری نوێی لوبنان دەکات

ئاڤا نیوز

 

سەرۆکوەزیران مەسرور بارزانی لە پەیامێکیدا پیرۆزبایی لە سەرۆککۆماری نوێی لوبنان دەکات. 

 

چیرۆکی سەرەکی: دوای دوو ساڵ بۆشایی سیاسی، ئەمڕۆ پێنجشەممە 09-01-2025 پەرلەمانی لوبنان کۆبووە و بەدەنگی 99 پەرلەمانتار ژەنەڕاڵ جۆزێف عۆن، فەرماندەی سوپای لوبنانی وەکو سەرۆککۆماری وڵاتەکە هەڵبژارد.

 

ڕاگەیێنراوی فەرمی: سەرۆکوەزیران مەسرور بارزانی لە تۆڕی کۆمەڵایەتیی ئێکس لە پەیامێکدادەڵێت: "پیرۆزبایی لەسەرۆکی تازە هەڵبژێردراوی لوبنان، جۆزێف عۆن دەکەم و هیوای سەرکەوتنی بۆ دەخوازم، ئومێدەوارم لوبنان بەرەو سەقامگیری و پێشکەوتن بەرێت".

 

زانیاریی بەدەستهاتوو: ژەنەڕاڵ جۆزێف عۆنن، فەرماندەی سوپا لە کۆی 128 دەنگ توانی 99 دەنگ بەدەستبهێنێت و ببێتە سەرۆککۆمار، بۆ ماوەی شەش ساڵیش لە پۆستەکەدا دەمێنێتەوە.

باکگراوند: جۆزێف عۆنن لە دایکبووی ساڵی 1964 و تەمەن 60 ساڵە، لە ساڵی 2017ـەوە وەک فەرماندەی سوپای لوبنان کاری کردووە و لە هەڵبژاردنی سەرۆککۆماری لوبناندا بەهێزترین کاندید بوو.