د. عەباس عیقابی: بەبێ کورد حکومەتی عێراق لاواز دەبێت

ئاڤا نیوز

 

ئەندامێکی مەکتبی سیاسیی حیزبی 'ئیقتداری وەتەنی' پێیوایە کورد لایەنێکی گرنگی نێو پرۆسەی سیاسی عێراقە و بەبێ کورد حکومەتی عێراق لاواز دەبێت.

 

وێنە گەورەکە: حکومەتی هەرێمی کوردستان بەرامبەر بە پێشێلکردنی مافە دەستوورییەکان لەلایەن بەغەداوە نیگەرانە، سەرۆکوەزیرانی مەسرور بارزانی پێیوایە ئەو ڕەفتارەی ئێستای بەغدا بەرامبەر هەرێمی كوردستان دەیكات، قبووڵكراو نییە.

 

لێدوانی فەرمی: د. عەباس عیقابی، ئەندامی مەکەتبی سیاسیی حیزبی 'ئیقتداری وەتەنی' بە ئاڤا میدیای ڕاگەیاند: بەبێ کورد حکومەتی عێراق لاواز دەبێت، بۆیە پێویستە کێشەکان لەسەر مێزی گفتوگۆ لەنێوان سەرجەم لایەنەکاندا چارەسەر بکرێن پێش ئەوەی لایەنی دەستووری و یاسایی بێتە نێو بابەتەکەوە.

 

لەلایەکی دیکە: بە بڕوای عیقابی، تائێستا پرۆسەی سیاسیی لە عێراق بەشێوەیەکی باش بەڕێوەچووە و ڕەنگدانەوەی باشیشی لەنێو کۆمەڵگەی نێودەوڵەتیدا هەبووە، ئەویش بەو هاوبەشییەی کە ئێستا لەنێوان سەرجەم پێکهاتەکانی عێراق بەدیدەکرێت لەنێوان عەرەب و کورد و تورکمان و پێکهاتەکانی دیکە. بۆیە پێویستە لەسەر هەموومان پارێزگاری لەو وێنە جوانە بکەن.