سەرۆکوەزیرانی گرینلاند: ئامادەم لەگەڵ ترەمپ گفتوگۆ بکەم

ئاڤا نیوز

 

سەرۆکوەزیرانی گرینلاند وەڵامی لێدوانەکانی دۆناڵد ترەمپ، سەرۆکی هەڵبژێردراوی ئەمریکا دەداتەوە و ڕەتیدەکاتەوە گرینلاند ببێتە بەشێک لە ئەمریکا.

 

چیڕۆکی سەرەکی: لە درێژەی هەوڵەکانی دۆناڵد ترەمپ بۆ فراوانکردنی زەوی ئەمریکا، هەڕەشەکانی ناوبراو تادێت زیاتردەبن، بەتایبەت کۆنتڕۆڵکردنی گرینلاند و دەشێڵێت، ئەم ناوچانە لە ڕووی ئابوورییەوە بۆ ئەمریکا گرنگن.

 

لێدوانی فەرمی: میوت ئێدگی، سەرۆکوەزیرانی گرینلاند ڕایگەیاند، ''گرینلاند بۆ گەلی گرینلاندە. ئێمە نامانەوێت دانیمارکی بین، نامانەوێت ئەمریکی بین، ئێمە دەمانەوێت گرینلاند بین، تا ئێستا قسەم لەگەڵ دۆناڵد ترەمپ نەکردووە، بەڵام ئامادەم لەگەڵی گفتوگۆ بکەم ''.

 

ئەوەی پێویستە بیزانیت: گرینلاند تا ساڵی 1953 لەلایەن دانیمارکەوە داگیرکرابوو، لە دوای ساڵی 2009ـەوە وەک خاکێکی سەربەخۆی شانشینی دانیمارکیە، گرینلاند 57 هەزار کەسی تێدا دەژین و خاوەنی وڵاتینامەی دانیمارکین.