بۆ ساڵی 2025 ئێران لە ڕیزی زۆرترین سێرچەکانی گووگڵ بووە

ئاڤا نیوز

لەگەڵ نزیکبوونەوەی ساڵی 2026، ڕاپۆرتێکی نوێی گووگڵ دەڵێت، ناوی "ئێران" لە ڕیزی ئەو هەواڵانەدایە کە زۆرترین جار لەلایەن بەکارهێنەرانەوە بەدوایدا گەڕاون لەساڵی 2025.

چیرۆکی سەرەکی: گووگڵ ڕاپۆرتی گەڕانی ساڵانەی خۆی بۆ ساڵی 2025 بڵاوکردەوە، کە ڕاپۆرتێکە بە درێژایی ساڵ ئارەزووی بەکارهێنەران نیشان دەدات، چ بابەتێک زۆرترین سەرنجی لەسەر ئینتەرنێت هەبووە بۆ ئەمساڵ و زۆرترین گەڕانی بۆ کراوە.

زانیاریی زیاتر: گووگڵ دەریدەخات ناوی "ئێران" لە گرنگترین ناوەکانی گەڕانی جیهانییە لە ئەمساڵدا، تەنانەت هەندێک بابەتی تەکنەلۆژیای وەک ئایفۆن 17ـی تێپەڕاندووە. ئێران لە لیستی گەڕانی گشتی پلەی هەشتەمی جیهان و لە بەشی گەڕانی هەواڵی پلەی دووەمی بەدەستهێناوە.

ئەوەی لەبارەیەوە دەگوترێت: شارەزایان دەڵێن کە ئەم زیادبوونی گەڕانە لە گووگڵ بۆ ئێران هاوکاتە لەگەڵ بەرزبوونەوەی گرژییەکان و شەڕی 12 ڕۆژەی کۆماری ئیسلامی ئێران و ئیسرائیل.