بەهۆی کێشەی خێزانیەوە ژنێک ئەندامی نێرینەی هاوسەرەکەی دەبڕێت

ئاڤا نیوز

لە قەزای کەلار، ژنێک ئەندامی نێرینەی هاوسەرەکەی بڕی و دوای گەیاندنی بە نەخۆشخانەی فریاکەوتنی شەهید هەژار لە کەلار بۆ چارەسەرکردن ڕەوانەی سلێمانی کرا.

چیرۆکی سەرەکی: ئێوارەی ئەمڕۆ لە گەڕەکی شەهیدانی قەزای کەلار، بەهۆی کێشەیەکی خێزانی، ژنێک بە چەقۆ ئەندامی نێرینەی پیاوەکەی بڕی.

زانیاریی بەدەستهاتوو: بەگوتەی سەرچاوەیەک ئەو ژن و مێردە کێشەی خێزانیان هەبووە و لە سەروبەندی جیابوونەوەدان.

لێدوانی فەرمی: سەرچاوەیەک لە نەخۆشخانەی فریاکەوتنی شەهید هەژار هەواڵەکەی بۆ ئاڤا پشتڕاستکردوە و وتی، ئەندامی نێرینەی پیاوەکە خراوەتە نێو بەفرەوە و لەگەڵ خۆی ڕەوانەی نەخۆشخانە کراوە.

سەبارەت بە ئەگەری چارەسەرکردنیشی وتی، ئەندامی نێرینەی پیاوەکە بەتەواوەتی قرتاوە و لای ئێمە چارەسەری بۆ نەکراوە، ئەگەری کەمە جارێکی دیکە بتوانێت بەهەمان گوڕوتینی جارانەوە کاربکات.