بوومەلەرزەیەکی بەهێز چەند ناوچەیەکی ئالاسکا و کەنەدا دەهەژێنێت

ئاڤا نیوز
 

بوومەلەرزەیەکی بەهێز بە گوڕی 7 پلەی ڕێختەر ناوچەیەکی شاخاوی هەژاند کە سنووری ویلایەتی ئەلاسکای ئەمریکا و یوکۆنی کەنەدای گرتووەتەوە.

بڵاوکراوەی فەرمی: بەپێی ناوەندی جیۆلۆجیی ئەمریکا، لە ماوەی سێ کاتژمێردا زیاتر لە 30 بوومەلەرزەی دیکە ڕوویان داوە کە لە هێزەکەیان لە نێوان 5.1 بۆ 3.3 پلەی ڕێختەر بووە.

زانیاریی زیاتر: بوومەلەرزەکە بە شێوەیەکی سەرسوڕهێنەر درێژخایەن بووە و 15 بۆ 20 چرکەی خایاندووە.

ئەمەش بزانە: ئەو ناوچەیەی بوومەلەرزەکە لێی داوە ناوچەیەکی شاخاوییە و ژمارەیەکی زۆر کەم خەڵکی تێدا دەژیت. هیچ بریندارێک و زیانێکیش بەهۆی بوومەلەرزەکەوە ڕاپۆرت نەکراوە.