بەرپرسێکی ئەمریکا بۆ سەرۆک بارزانی: پشتگیری هەموو هەوڵێک دەکەین بۆ نزیکبوونەوەی لایەنە کوردییەکان لە سووریا

ئاڤا نیوز 

 

سەرۆک بارزانی پێشوازیی لە ڤیکتۆریا تەیلەر، جێگری یاریدەدەری وەزیری دەرەوەی ئەمریکا کرد و لە دیدارێکدا پەیامی پشتگیریی ئەمریکای پێگەیێنرا بۆ نزیکردنەوەی لایەنە کوردییەکان لە سووریا. 

 

وێنە گەورەکە: دوای ڕووخانی ڕژێمی بەشار ئەسەد، سەرۆک بارزانی هەوڵەکانی بۆ یەکڕیزیی لایەنە کوردییەکان لە سووریا چڕکردووەتەوە و بۆ ئەم مەبەستە نوێنەری خۆی ناردووەتەوە ڕۆژئاوای کوردستان بۆ گفتوگۆ لەگەڵ لایەنە کوردییەکان. 

 

ڕاگەیێنراوی فەرمی: بەپێی ڕاگەیێنراوی بارەگای بارزانی لە کۆبوونەوەی نێوان سەرۆک بارزانی و ڤیکتۆریا تەیلەر، جێگری یاریدەدەری وەزیری دەرەوەی ئەمریکا ئەم بابەتانە تاوتوێ کران: 

 

- لە دیدارەکەدا بیروڕا لەبارەی بارودۆخی سیاسی و ئەمنی و دوایین پێشهاتەکانی عێراق و ناوچەکە و سووریا ئاڵوگۆڕ کرا.

 

- ڤیکتۆریا تەیلەر دەستخۆشی لە سەرۆک بارزانی کرد بۆ ناردنی نوێنەری تایبەتی خۆی بۆ سووریا و دیدار لەگەڵ لایەنە کوردییەکانی سووریا و جەختیشی لەوە کردەوە ئەمریکا پشتگیریی هەموو هەوڵێک دەکات کە ببێتە هۆی لێکنزیکبوونەوەی لایەنە کوردییەکان و بەدیهاتنی سەقامگیری لە سووریا و ناوچەکە.

 

- پەیوەندییەکانی حکومەتی هەرێمی کوردستان و حکومەتی عێراق و هەوڵەکان بۆ چارەسەرکردنی کێشەکان تاوتوێ کران. 

 

 

- شاندی میوان خۆشحاڵیی خۆیان بۆ دانوستاندنی نێوان لایەنەکان و خێرابوونی هەنگاونان بەرەو دامەزراندنی کابینەی تازەی حکومەتی هەرێمی کوردستان ڕاگەیاند.

 

 

- هەڕەشەکانی دەرکەوتنەوەی تیرۆر و پێویستیی پاراستنی سەقامگیریی عێراق و ناوچەکە باسکران.