هیومان ڕایتس وۆچ: عێراق بە یاسا ئازادیی تاک سنووردار دەکات

ئاڤا نیوز

ڕێکخراوی نێودەوڵەتی مافەکانی مرۆڤ (HRM) ڕاپۆرتێکی بڵاوکردووەتەوە، تێیدا حکومەتی عێراق تۆمەتبار دەکات بە بەرتەسککردنەوەی ئازادییەکان و  پێشێلکردنی مافەکانی مرۆڤ بەدرێژایی ساڵی 2024.

وێنە گەورەکە: سەبارەت بەمافەکانی مرۆڤ لە 100 وڵات لە جیهاندا، ڕێکخراوی هیومان ڕایتس وۆچ ڕاپۆرتی ساڵانەی خۆی بڵاوکردەوە، ڕاپۆرتەکە لە 546 لاپەڕە پێکهاتووە و چەندین لاپەڕەی تەرخانکراوە بە پێداچوونەوە بە پراکتیکەکانی مافی مرۆڤ لە عێراق.

لێدوانی فەرمی: سارە سنبر، لێکۆڵەری عێراقی لە ڕێکخراوی هیومان ڕایتس وۆچ ڕایگەیاند:

- دەسەڵاتدارانی عێراق سوورن لەسەر پەسەندکردنی چەندین یاسا کە ئازادیی عێراقییەکان سنووردار دەکات، هاوکات سزای لەسێدارەدان زیادی کردووە  و دەنگی ئۆپۆزسیۆنیش بەردەوام سەرکوت دەکرێت".

- لە ڕاپۆرتەکەی هیومان ڕایتس وۆچ هاتووە، ئەگەر هەموارکردنەوەی یاسای باری کەسی لە پەرلەمانی عێراق تێپەڕێت، ئەوە بە گەورەترین پێشێلکاری لەسەر مافەکانی ئافره‌تان و کچان دادەنرێت کە بەپێی یاسا نێودەوڵەتییەکان مسۆگەر کراون.

ئەمەش بزانە: هەموارکردنەوەی یاسای باری کەسی ڕێگە بە کچانی تەمەن نۆ ساڵ دەدات بە فەرمی پڕۆسەی هاوسەرگیری بکەن، هاوکات زۆربەی ئەو پارێزبه‌ندییانه‌ى په‌یوه‌ستن به‌ مافی ئافرەتان لە جیابوونه‌وه‌ و میراتى لا دەبات.