هەر کەسێک پشکنینی توانای جەستەیی نەکات ڕێگەی نادرێت بچێت بۆ حەج

کوردستان
2025-01-25

شەیری بکە لە:

هەر کەسێک پشکنینی توانای جەستەیی نەکات ڕێگەی نادرێت بچێت بۆ حەج

حاجییانی هەرێمی کوردستان لە سعودیە

ئاڤا نیوز

ئەو هاووڵاتییانەی ناویان بۆ بەجێهێنانی فەریزەی حەج هاتووەتەوە دەبێت لە بنکە تەندروستییەکان فۆڕمێک پڕبکەنەوە و پشکنینی توانای جەستەیی بکەن، لەسەر بنەمای ئەو پشکنینە ڤیزای حەجییان پێدەدرێت.

وێنە گەورەکە: ڕێککارەکانی تەواوکردنی گەشتی حەجی ئەمساڵ لە قۆناغی کۆتاییدایە، بەڕێوەبەرایەتیی حەج و عومرەی هەرێمی کوردستان سەرقاڵی تەواوکردنی ئەو ڕێککارانەیە کە ماون، نووسینگەی حەج و عومرەی پارێزگای هەولێریش ئاگاداری حاجییان دەکاتەوە ڕێنماییەکان جێبەجێ بکەن و سەردانی بنکە تەندروستییەکان بکەن بۆ پڕکردنەوەی فۆڕمی پشکنینی توانای جەستەیی.

ڕاگەیێنراوی فەرمی: ئەمڕۆ شەممە 25-1 – 2025، نووسینگەی حەج وعومرەی پارێزگای هەولێر، ڕایگەیاند: ئاگاداری گشت هاووڵاتییانی هەولێر و دەورووبەری دەکەینەوە ئەوانەی کە ناویان بۆ سەفەری حەجی ئەمساڵ 2025 دەرچووە، ڕۆژی یەکشەممە 26-1-2025، سەردانى ئەو بەنکە تەندروستییانە بکەن کەوا لە خوارەوە ناویان هاتووە بۆ پڕکردنەوەی فۆرمی پشکنینی توانای جەستەیی.

زانیاریی زیاتر: نووسینگەی حەج و عومرەی پارێزگای هەولێر، ئاماژەی بەوەکردووە: هەر حاجییەک ئەو فۆرمە پڕنەکاتەوە، ڤیزا لە پاسپۆرتەکەی نادرێت و بێ بەش دەبێ لە پرۆسەی حەج.

ئەوەی پێویستە بیزانیت: لە کاتی سەردانیکردنی بنکەی تەندروستی، پێویستە حاجییان ئەو بەڵگەنامە فەرمیانەیان پێبێت.

- دوو وێنە.

-کارتی نیشتیمانی یان ناسنامەی باری کەسی.

ناوی بنکە تەندروستیەکانی پارێزگای هەولێر:-

1- بنکەی تەندروستی مەلا فەندی.

2- بنکەی تەندروستی برایەتی.

3- بنکەی تەندروستی ئازادی.

4- بنکەی تەندروستی نازدار بامەڕنی.

5- بنکەی تەندروستی شەقڵاوە.

6- بنکەی تەندروستی کۆیە.