ئاگربەستی نێوان ئیسرائیل و حیزبوڵڵا کۆتاییهات

ئاڤا نیوز

 

بەرەبەیانی ئەمڕۆ دوای تێپەڕبوونی 60 ڕۆژ بەسەر ئاگربەستی نێوان ئیسرائیل و حیزبوڵڵا، ئاگربەستەکە کۆتاییهات.

 

چیرۆکی سەرەکی: لە 23 ئەیلوول 2024، هێزی ئاسمانی ئیسرائیل هێرشیکردە سەر باشووری لوبنان، بەهۆیەوە جەنگ و وێرانکاری ڕووی لەو ناوچەیە کرد، دوای چەندین هەوڵی ناوخۆیی و دەرەکی دواجار ئاگربەست لە 27-11-2024 لە نێوان حیزبوڵڵا و ئیسرائیل هاتە ئاراوە و هەردوو لایەن ڕێککەوتن.

 

زانیاریی بەدەستهاتوو: لە کاتژمێر چواری بەیانی 26-1-2025، ڕێککەوتنی 60 ڕۆژەی ئاگربەست بەفەرمی کۆتاییهات، بەگوێرەی خاڵەکانی ئاگربەستەکە بێت، دەبێت ‌هێزەکانی ئیسرائیل لەمڕۆوە لە باشووری لوبنان دەستبەکشانەوە بکەن.  

 

ئەوەی لەبارەیەوە دەگوترێت: لەگەڵ تەواوبوونی ئاگربەستەکە دەنگی چەند تەقینەوەیەکی بەهێز لە شارۆچکەی کەفر لە باشووری لوبنان بیستراوە، هاوکات دڕۆنەکانی  ئیسرائیل  بەسەر ئاسمانی لوبناندا فڕیون.

 

باکگراوند: لە دەستپێکی شەڕی لوبنانەوە نزیکەی چوار هەزار هاووڵاتی لوبنان بەهۆی بۆردوومانەوە کوژراون و زیاتر لە یەک ملیۆن هاووڵاتیش ئاوارەبوون.