هاوكارەكەی سەلوان مۆمیكا: ئەمجارە نۆرەی كوشتنی منە

ئاڤا نیوز

دوای كوشتنی سەلوان مۆمیكا، هاوكارەكەی ڕایدەگەیەنێت، "ئەمجارە نۆرەی كوشتنی منە".

وێنە گەورەكە: سەلوان مۆمیكا، ئەو كۆچبەرە عێراقییەی كە لە سوێد دەژیا، بەهۆی چەندجار دووبارەكردنەوەی سووتاندنی كۆپی قورئانی پیرۆز، شەوی چوارشەممەی ڕابردوو 29-1-2025، لەنێو شوقەكەی خۆیدا لە شارۆچكەی سودەرتال لەنزیك ستۆكهۆڵمی پایتەختی سوید، تەقەی لێ كرا و كوژرا.

لێدوانی فەرمی: سەلوان نەجم، هاوكارەكەی سەلوان مۆمیكا كە ئەویش كۆچبەرێكی عێراقییە، لە ئەژماری خۆی لە تۆڕی كۆمەڵایەتی 'ئێكس' نووسیویەتی: "ئەمجارە نۆرەی منە". مەبەستی نەجم ئەوەیە كە هەڕەشەی لێکراوە و ئەمجارە نۆرەی كوشتنی ئەوە.

ئەوەش بزانە: بە تۆمەتی كوشتنی سەلوان مۆمیكا، پۆلیسی سوید 5 كەسی دەستگیركردووە، دەستگیركراوەكان تەمەنیان لەنێوان 20 بۆ 60 ساڵە و دانیشتووی نزیك شوقەكەی مۆمیكان.

باكگراوند: مۆمیكای تەمەن 38 ساڵ، كە لە ساڵی 2021 گەیشتبووە وڵاتی سوید و داوای مافی پەنابەری كردبوو، درەنگانی شەوی چوارشەممە لە كاتی لایڤێكی تۆڕی كۆمەڵایەتی تیكتۆك تەقەی لێ كرا و كوژرا.