تیکتۆک ڕێککەوتنێکی نوێ واژۆ دەکات و لە ئەمریکا دەمێنێتەوە

ئاڤا نیوز

دوای ململانێیەکی درێژخایەن، تۆڕی کۆمەڵایەتیی تیکتۆک گەیشتە ڕێککەوتنێکی ستراتیژی لەگەڵ کۆمەڵێک وەبەرهێنەری نێودەوڵەتی بۆ پێکهێنانی "کۆمپانیایەکی هاوبەش" بۆ کۆنترۆڵکردنی تۆڕە کۆمەڵایەتییەکە.

چیرۆکی سەرەکی: بەپێی یاداشتێکی ناوخۆیی کە 'شۆو چوو'، بەڕێوەبەری جێبەجێکاری تیکتۆک ئاراستەی کارمەندانی کردووە، کۆمپانیاکانی (Oracle)، (Silver Lake) و (MGX)ـی ئیماراتی وەک وەبەرهێنەری سەرەکی دەبنە هاوبەش. لەو چوارچێوەیەدا، پشکی کۆمپانیای "بایت دانس"ـی چینی بۆ کەمتر لە 20% کەم دەکرێتەوە، تاوەکو لەگەڵ یاساکانی ئەمریکا بگونجێت.

زانیاریی زیاتر: دەستەی وەبەرهێنەرانی نوێ بەرپرس دەبێت لە پاراستنی داتاکانی 170 ملیۆن بەکارهێنەری ئەمریکی، ئاسایشی ئەلگۆریتمەکان و چاودێریکردنی ناوەڕۆکی بابەتەکان.

ئەمەش بزانە: بڕیارە تاوەکو 22ـی کانوونی دووەمی ساڵی داهاتوو، ڕێکارەکانی گواستنەوەی خاوەندارێتی و جێبەجێکردنی گرێبەستەکە بەکۆتا بێن، بەمەش تیکتۆک مەترسی داخستنی لە ئەمریکا تێدەپەڕێنێت.