کێشەی ئاوی 150 هەزار کەس لە سنووری دهۆک چارەسەر دەکرێت

ئاڤا نیوز

 

دوای دوو ڕۆژ لە تێكچوونی کارەبای پڕۆژەی ئاوی دێرەلووک لە سنووری پارێزگای دهۆک چارەسەرکرا و پرۆژەکە دەست بە دابینکردنی ئاو بۆ دانیشتووانی قەزایەک و چوار ناحییە دەکاتەوە. 

 

وێنە گەورەکە: پڕۆژەکە لەسەر بەنداوی دێرەلووک بوونیادنراوە و بە وەستانی زیاتر لە 150 هەزار کەس لە دانیشتووانی دەڤەرەكانی ئامێدی، دێرەلووک، شیلادزێ، سەرسەنگ، بامەڕنێ و چەند کۆمەڵگەیەکی دیکە بێ ئاو دەبن.

 

لێدوانی فەرمی: ڕێبەر سادق، بەرێوەبەری ناحیەی دێرەلوک بە ئاڤای گوت، "تیمەکانی کارەبای دهۆک کێشەی پرۆژەی ئاوی دێرەلۆک'یان چارەسەر کردووە و کارەبایان بۆ پڕۆژەکە گەڕاندووەتەوە، بەمەش مەترسی لەسەر دابینکردنی ئاوی دانیشتووانی ناوچەکە نەماوە."

 

ئەمەش بزانە: بەنداوی دێرەلووک بەنداوێکە لەسەر ڕووباری زێی گەورە دروستکراوە، کە دەکەوێتە باکووری ناحیەی دێرەلووک لەسنووری پارێزگای دھۆک، ساڵی 2020 پڕۆژەکە تەواوکراوە.