مارکۆ ڕۆبیۆ داوای کۆتایی هێنان بە حەماس دەکات

ئاڤا نیوز

 

وەزیری دەرەوەی ئەمریکا، دوێنێ لە یەکەم سەردانی بۆ ڕۆژهەڵاتی ناوەڕاست، سەردانی ئیسرائیلی کردوو و لەگەڵ بنیامین نەتانیاهۆ، سەرۆکوەزیرانی ئەو وڵاتە کۆبووەوە.

 

وێنە گەورەکە: ڕۆژی 16-2-2025، مارکۆ ڕۆبیۆ، وەزیری دەرەوەی ئەمریکا، بە سەردانێکی فەرمی گەیشتە تەلئەڤیڤ و لەگەل سەرۆکوەزیرانی ئیسرائیل کۆبووە و داوای کۆتایی ‌هێنان بە ژێرخانی سەربازی و توانا سەربازییەکانی بزووتنەوەی حەماسی لە کەرتی غەززە کرد.

 

لێدوانی فەرمی: مارکۆ  ڕۆبیۆ، وەزیری دەرەوەی ئەمریکا ڕایگەیاند: حەماس ناتوانێت وەک هێزێکی سەربازی یان فەرمی بەردەوام بێت لە کەرتی غەززە و دەبێت ئەو بزووتنەوەیە کۆتایی پێبهێنرێت.

 

لەلایەکی دیکەوە: سەرۆکوەزیرانی ئیسرائیل ڕایگەیاند، لەگەڵ وەزیری دەرەوەی ئەمریکا گفتوگۆیان لەسەر "ستراتیژێکی هاوبەش" کردووە سەبارەت بە غەززە، "ناتوانین هەمیشە وردەکارییەکانی ئەم ستراتیژە لەگەڵ ڕای گشتیدا بەیەکەوە باس بکەین توانای سەربازیی حەماس و حوکمڕانی سیاسییەکەی لە غەززە لەناو دەبەین".