پیاسە بكە و خۆت لاواز بكە

ئاڤا نیوز

لێکۆڵینەوەکان دەریانخستووە، ڕۆژانە 10 بۆ 12 هەزار هەنگاو پیاسە بکەی، کێشت دادەبەزێت و چەوری لەشت کەم دەبێتەوە.

بۆچی گرنگە: قەڵەوی بەیەکێک لە کێشە گەورەکان ناودەبرێت، بەشێک لە پزیشکەکانیش دەڵێن "قەڵەوی نەخۆشییە" لە نوێترین لێکۆڵینەوەدا دەرکەوتووە پیاسەکردن ڕۆژانە هۆکارە بۆ دابەزینی کێش و کەمکردنەوەی چەوری لەش.

لێداوانی فەرمی: دێنیس میکلاز، ڕاهێنەری وەرزشی لە سەنتەری تەندروستی و لەشجوانی کریستاڵ لەیک لە باکووری ڕۆژئاوای ویلایەتی ئیلینۆی دەڵێت: ئەو ڕێژەی ڕۆیشتنەی کە بە پێ دەڕۆیت ڕۆڵێکی سەرەکی دەگێڕێت لە یارمەتیدانی جەستەت بۆ سووتاندنی کالۆری زیاتر و باشترکردنی سیستەمی دڵ و هەناسەدانت". 

زانیاریی زیاتر: ڕێکخراوی تەندروستی جیهانی دەشڵێت: لە نێوان هەشت کەس دا لە جیهان یەکێکیان قەڵەوە، بەپێی ئامارەکان تا ساڵی 2022 لەسەرتاسەری جیهاندا دوو ملیار و نیو کەس کێشەی قەڵەوییان هەبووە.