هەشتەمین کۆنگرەی پارتی داد و گەشەپێدانی تورکیا ئەنجام دەدرێت

ئاڤا نیوز

 

ئەمڕۆ یەکشەممە، هەشتەمین کۆنگرەی پارتی داد و گەشەپێدانی تورکیا بە سەرۆکایەتیی ڕەجب تەیب ئەردۆغان، لە ئەنقەرەی پایتەختی تورکیا بەڕێوەدەچێت.

 

وێنە گەورەکە: ڕۆژی 23-2-2025، لە یاریگای وەرزشی ئەنقەرەی پایتەختی تورکیا هەشتەمین کۆنگرەی پارتی داد و گەشەپێدانی تورکیا ' ئاک پارتی' بە سەرۆکایەتی ڕەجەب تەیب ئەردۆغان، سەرۆککۆماری تورکیا و سەرۆکی پارتەکە بەبەشداری هەزاران کەس بەڕێوەدەچێت.

 

لێدوانی فەرمی: ڕەجەب تەیب ئەردۆغان، سەرۆکی پارتی داد و گەشەپێدان لە میانەی بەشداریکردنی لە کۆنگرەکە ڕایگەیاند: 24 ساڵە 'ئاک پارتی' هەوڵی نوێبوونەوە و گەشەپێدانی سیاسەتی خۆی لە دەرەوە و ناوەوەی تورکیا دەدات.

 

لەلایەکی دیکەوە: ئەردۆغان گوتی، لە تورکیا بۆشایی ئۆپۆزیسیۆنمان هەیە هاوکات گوتی تیرۆر و سیاسەت پێکەوە ناکرێت هیچ لایەنێک لە ژێر سێبەی تیرۆر باسی سیاسەت و دیموکراسی بکات، یان دەبێت سیاسەت بکەن یانیش چەک هەڵبگرن.

 

ئەمەش بزانە: کورد و  عەرەب و تورک پێکەوە وەکو برا دەژین و دەرگایەکی دیکەی پێکەوەژیان بۆ تورکیا دەکەینەوە و تورکیایەکی بێ تیرۆر بنیات دەنێین. 

 

ئەوەی پیویستە بیزانیت: لە 12 مانگی ئۆکتۆبەری ساڵی ڕابردووەوە 'ئاک پارتی' ئامادەکاریی بۆ هەشتەمین کۆنگرەی خۆی دەکات، تەنیا لە دەرەوەی یاریگاکە زیاتر لە 60 هەزار لایەنگری ئەو پارتە کۆبوونەتەوە.