کاسبکاران ڕێگای هەولێر کەرکووک دادەخەن

 

ئاڤا نیوز

دژ بە ئەزیەت دانی شۆفێران لە بازگەی كەركووك خۆپێشاندانە و خۆپێشاندەران ڕێگەی سەرەكی كەركووك - هەولێر دادەخەن.

چیرۆكی سەرەكی: لەبەرامبەر خاڵی گومرگی ڕێگەی سەرەكی كەركووك - هەولێر، شۆفێرانی بارهەڵگر بۆ ناڕەزایی دەربڕین لەدژی ئەو ڕێگرییانەی لەهێنانی بەرهەم و كاڵای هاوردەكراو دەكرێت لەو خاڵە گومرگیە و لەدژی ئەزیەت دانی شۆفێران، خۆپیشاندانیان دەستپێكرد.

زانیاریی بەدەستهاتوو: پەیامنێری ئاڤا لە كەركووك دیار محەممەد ڕایگەیاند، عەمید شێرزاد مونفەری، جێگری فەرماندەیی پۆلیسی كەركووك، گەیشتووەتە شوێنی خۆپیشاندانەكە و ئێستا وتووێژ لەگەڵ خۆپیشاندەران دەكات بۆ چارەسەركردنی دۆخەكە، هاوكات هێزێكی زۆری سوپای عێراقیش چوونەتە ناوچەكە.

گرفتەكە چییە: كێشە سەرەكییەكە ئەوەیە؛ ئاسایشی نەتەوەیی لە بازگەكان ڕێگری دەكات لەوەی تەنانەت كەلوپەلی سەرەتایی و ناوماڵیش تێپەڕ ببێت، ئەوە لەكاتێكدا ماوەیەك بەر لەئێستا پارێزگاری كەركووك لە كۆبوونەوەیەكی لەگەڵ ئەفسەرانی ئاسایشی نەتەوەیی، پێی ڕاگەیاندبوون ئەگەر هەر شمەكێك وەزنەكەی لە یەك تۆن كەمتر بوو، ئاساییە و هاووڵاتیان ڕەنگە بۆ ماڵی خۆیان یان دووكانداران بۆ دووكانەكانیان دەیهێنن و هیچ گرفتێكی نییە. بەڵام كێشەکە جارێكی دیكە دووبارە بووەتەوە.