لە ئەمریکا نەخۆشیی سورێژە بڵاودەبێتەوە

ئاڤا نیوز

لە ئەمریکا نەخۆشیی سورێژە لە ناو منداڵاندا بڵاوبووەتەوە و بە هۆیەوە تا ئێستا لانیکەم منداڵێک لە ویلایەتی تەکساس گیانی لەدەست داوە.

ئەوەی پێویستە بیزانیت: لە ماوەی 10 ساڵی ڕابردوودا ئەمە یەکەم جارە حاڵەتێکی گیان لەدەستدان بەم نەخۆشییە لە ئەمریکا تۆمار دەکرێت.

ئەمەش بزانە: لە سەرەتاکانی مانگی شوباتی ئەمساڵەوە ئەم نەخۆشییە بڵاوبووەتەوە و ئێستا تەواوی تەکساس و بەشێک لە ڕۆژئاوای نیومەکسیکۆشی گرتووتەوە و تا ئێستا زیاتر لە 130 حاڵەت تۆمار کراون کە زۆربەی تووشبووان منداڵن. 

زانیاریی زیاتر: سوورێژە نەخۆشییەکە کە زۆر بە خێرایی بڵاو دەبێتەوە و بە ڕێگای پێکوتە ڕێگری لێدەکرێت. 

ڕاگەیێنراوی فەرمی: بە گوێرەی ڕاگەیێنراویکی تەندرووستیی تەکساس، ئەو منداڵەی کە بەم نەخۆشییە گیانی لەدەستداوە پێکوتەی دژ بە سوورێژەی وەرنەگرتووە.