ئەمریکا واژۆکردنی گرێبەستی چەک لەگەڵ ئیسرائیل خێراتر دەکات

ئاڤا نیوز

 

وەزیری دەرەوەی ئەمریکا ڕایگەیاند، بەیاننامەیەکیان واژۆ کردووە بۆ خێراکردنی گەیاندنی هاوکارییە سەربازییەکان بۆ ئیسرائیل.

 

وێنە گەورەکە: لە سەرەتای دەستبەکاربوونی دۆناڵد ترەمپ، سەرۆکی ویلایەتە یەکگرتووەکانی ئەمریکا ڕەزامەندی لەسەر فرۆشتنی چەکی بە ئیسرائیل داوە بە بەهای نزیکەی 12 ملیار دۆلار، ئەمەش وەک هەنگاوێک بۆ پابەندبوونی بەردەوامی ئەمریکا لە پاراستنی ئاسایشی ئیسرائیل.

 

ڕاگەیێنراوی فەرمی: مارکۆ ڕۆبیۆ، وەزیری دەرەوەی ئەمریکا لە بەیننامەیەکدا ڕایگەیاند: ئەمریکا دەیەوێت گرێبەستی ڕادەستکردنی  چەک بە بەهای چوار ملیار دۆلار بە ئیسرائیل خێراتر بکات بۆ ڕووبەڕووبوونەوەی هەڕەشە ئەمنییەکان.

 

ئەوەی پێویستە بیزانیت: ئەمریکا لە سەرەتای هێرشەکانی ئیسرائیل بۆ سەر کەرتی غەززە بەردەوام هاوکاریی سەربازی پێشکەش بە ئیسرائیل کردووە. هاوکات ئیدارەی ترەمپ، بڕیارێکی ئیدارەی جۆ بایدن، سەرۆکی پێشووی ئەمریکای هەڵوەشاندەوە کە ئەمریکا فرۆشتنی چەکی بە هاوپەیمانەکانی سنووردار کردبوو، ئێستا بەگوێرەی بڕیارەکە، ئیدارەی ترەمپ چەک بۆ هاوپەیمانەکانی لە ناویاندا ئیسرائیل دابین دەکات.