وەزیری پەروەردە هەواڵێکی خۆش بۆ وانەبێژان ڕادەگەیێنێت

ئاڤا نیوز

وەزیری پەروەردە ڕایدەگەیێنێت، دوای هەموارکردنەوەی پشکی هەرێمی کوردستان لە پرۆژەیاسای بودجەی عێراق، وانەبێژان دەکرێن بە گرێبەست.

لێدوانی فەرمی: ئالان حەمە سەعید، وەزیری پەروەردەی حکومەتی هەرێمی کوردستان, لەمیانی کردنەوەی دوو قوتابخانە لە قەزای بەردەڕەش بە ئاڤا نیوزی گوت: دوای هەموارکردنەوەی بودجە ڕێکارەکانی بەگرێبەستکردنی مامۆستایانی وانەبێژ دەستپێدەکەن کە ژمارەیان زیاتر لە  35 هەزار کەسە.

ئەوەی پێویستە بیزانیت: هەرچەندە مانگی ڕابردوو هەردوو حکومەتی هەرێمی کوردستان و حکومەتی عێراق ڕێککەوتنی سەرەتاییان لەبارەی هەموارکردنەوەی یاسای بودجەی ئەمساڵ کردبوو، بەڵام بەهۆی بڕیارەکانی دادگای فیدراڵی لەبارەی مووچە، پڕۆژەیاساکە گرفتی بۆ دروستبووە و پێویستی بە ڕێککەوتنی نوێیە.