سعودییە پێشوازی لە ڕێککەوتنی هەسەدە و ئەحمەد شەرع دەکات

ئاڤا نیوز

 

دوای ئەوەی دوێنێ فەرماندەی گشتیی هەسەدە و سەرۆکی سووریا بۆ قۆناغی ڕاگوێزەر ڕێککەوتن، کاردانەوەی وڵاتانی بە دوای خۆیدا هێنا و پێشوازیان لێکرد.

وێنە گەورەکە: ڕۆژی 2025-03-10، مەزڵووم عەبدی، فەرماندەی گشتیی هەسەدە و ئەحمەد شەرع، سەرۆککۆماری سووریا بۆ قۆناغی ڕاگوزەر  کۆبوونەوە و ڕێککەوتنێکی هەشت  خاڵیان واژۆ کرد،  بەمەش کۆتاییان بە مشتومڕی نێوان دیمەشق و ڕۆژئاوا هێنا و سعودییەش لە بەیاننامەیەکدا پێشوازی لێکرد.

 

ڕاگەیێنراوی فەرمی: وەزارەتی دەرەوەی سعودییە لە بەیاننامەیەکدا ڕایگەیاند:  "شانشینی سعودییە پێشوازی لە واژۆکردنی ئەو ڕێککەوتنە دەکات کە تێیدا سەرجەم دامەزراوە مەدەنی و سەربازییەکانی باکوری ڕۆژهەڵاتی سووریا لەگەڵ دامەزراوەکانی دەوڵەتی سووریا یەکخرا بۆ پاراستنی ئاسایشیی ناوچەکە''.

 

- سعودییە پشتیوانی تەواوی خۆی بۆ یەکێتیی و سەروەری و یەکپارچەیی خاکی سووریا دووپاتدەکاتەوە.

ئەمەش بزانە: وڵاتی سعودییە پشتیوانی تەواوی خۆی بۆ دەسەڵاتی نوێی سووریا ڕاگەیاندووە و چەندین جار پاڵپشتی وڵاتەکەی بۆ یەکخستنەوەی هێزەکانی سووریا ڕاگەیاندووە، هاوکات یەکەم سەردانی دەرەوەی ئەحمەد شەرع، سەرۆکی سووریا بۆ قۆناغی ڕاگوێزەر بۆ شانشینی سعودییە بووە.